Կորպորատիվ կառավարում

Դասընթացի նկարագրություն

Ժամանակակից բիզնես միջավայրում մրցակցությունը օրեցօր ավելանում է, և կազմակերպության հաջողությունը այժմ մեծապես կախված է ոչ միայն ապրանքի կամ ծառայության որակից, այլև կառավարման համակարգի թափանցիկությունից, հաշվետվողականությունից և պատասխանատուներից: Այս դասընթացը Ձեզ կօգնի ձեռք բերել համապարփակ պատկերացում կորպորատիվ կառավարման կիրառության առավելությունների մասին:

Դասընթացը նախատեսված է կորպորատիվ կառավարման պատասխանատուների (ղեկավարների) և կառավարման ոլորտի բոլոր այն մասնագետների համար, որոնք ցանկանում են՝

- Ձեռք բերել գիտելիքներ կորպորատիվ կառավարման ոլորտում,

- Հմտանալ կառավարման լավագույն փորձի կիրառման մեջ,

- Ավելի համակարգված, արդյունավետ և թափանցիկ դարձնել կազմակերպության կառավարման գործընթացները:

Դասընթացի հիմնական թեմաները`

1. Կորպորատիվ կառավարման հիմունքներ

• Կորպորատիվ կառավարման էությունը և նշանակությունը,

• Կազմակերպության հաջողության և երկարաժամկետ կայունության ապահովման գործիքակազմը:

2. Կորպորատիվ կառավարման կանոնագիրք 

• Կանոնագրքի հիմնական սկզբունքները,

• Կորպորատիվ կառավարման տարեկան հայտարարագրի կազմման առանձնահատկությունները:

3. Խորհրդի և կից հանձնաժողովների դերը

• Խորհրդի հիմնական գործառույթները

• Արդյունավետ Խորհուրդ ունենալու առավելությունները

• Խորհրդին կից հանձնաժողովների տեսակները և նրանց դերը կազմակերպության արդյունավետության բարձրացման մեջ:

4. Կորպորատիվ քարտուղարի գործառույթներ

• Կորպորատիվ քարտուղարը որպես կապող օղակ՝ Խորհրդի, բաժնետերերի և գործադիր ղեկավարության միջև,

• Կորպորատիվ քարտուղարի ինստիտուտի ներդրման առանձնահատկությունները ՀՀ-ում:

Դասընթացի արդյունքում մասնակիցները կստանան համապարփակ պատկերացում կորպորատիվ կառավարման վերաբերյալ, կզարգացնեն հմտություններ, որոնք կօգնեն ապահովել կառավարման թափանցիկություն ու արդյունավետություն և կձևավորեն կարողություններ, որոնք էլ ավելի կբարձրացնեն մասնակիցների մասնագիտական արդյունավետությունը:

Դասընթացն իրականացվելու է ինտերակտիվ մեթոդաբանությամբ՝ ներառելով քննարկումներ, գործնական վարժություններ և իրական դեպքերի վերլուծություններ:

Դասընթացավարը Անուշիկ Դոլինյանն է, ով ունի 15-ամյա աշխատանքային փորձ բանկային ոլորտում, Արարատ բանկի CRM բաժնի ղեկավարն ու Խորհրդի քարտուղարն է, ինչպես նաև դասավանդել է Հայաստանի Ամերիկյան համալսարանի շարունակական կրթության բաժնում՝ հաճախորդամետ ծառայությունների, վաճառքների և կառավարման արդի մոտեցումների մեթոդաբանության հիման վրա: Անուշիկը «Մատենա» առաջնորդների դպրոցի շրջանավարտ է, իսկ ներկայումս ստանում է MBA որակավորում Հայաստանի Ամերիկյան համալսարանում:

Մասնագիտական գործունեության ընթացքում մշտապես կարևորում է կառավարման մշակույթի, կորպորատիվ արժեքների և ժամանակակից գործիքակազմի միասնական կիրառման անհրաժեշտությունը: Նրա կողմից պատրաստված և անցկացված դասընթացները հիմնված են միջազգային լավագույն փորձի, հայկական բիզնես միջավայրի առանձնահատկությունների և գործնական օրինակների վրա:

Դասընթացի տևողությունը՝ 1 ամիս

Դասընթացի վճարը՝ 100.000 ՀՀ դրամ

Բանկ՝ Ակբա Բանկ ԲԲԸ

Հ/Հ՝ 220290125891000

Ստացող՝  ՄԻՌԱՍՈ ՍՊԸ

Ավարտին տրվում է մասնակցության Հավաստագիր:

Հասցե՝ ք. Երևան, Ֆուչիկի 1/1 (Թումո կենտրոնի մոտակայքում)

Գրանցվելու կամ հարցերի համար կարող եք զանգահարել ☎️ 055-377-317  հեռախոսահամարին կամ գրանցվել հենց կայքում՝ սեղմելով ԳՐԱՆՑՎԵԼ ՀԻՄԱ: