Ֆինանսական վերլուծություն և ռազմավարական կառավարում

ԲԻԶՆԵՍՈՒՄ ԱՄԵՆԱԿԱՐԵՎՈՐԸ ՖԻՆԱՆՍՆԵՐԻ ԳՐԱԳԵՏ ԿԱՌԱՎԱՐՈՒՄՆ Է

ՆՈՐ ՄՇԱԿՈՒՅԹ ՀԱՅԱՍՏԱՆՅԱՆ ԿԱԶՄԱԿԵՐՊՈՒԹՅՈՒՆՆԵՐԻ ՖԻՆԱՆՍԱԿԱՆ ԿԱՌԱՎԱՐՄԱՆ ՈԼՈՐՏՈՒՄ!!!   

Յուրաքանչյուր կազմակերպության համար կարևոր են ֆինանսական խնդիրների ԱԽՏՈՐՈՇՈՒՄԸ, թաքնված ֆինանսական ռեզերվների և զարգացման հնարավորությունների բացահայտումը: Հետևաբար, եթե կարևորում եք կազմակերպության ֆինանսական վիճակի գնահատումը, ֆինանսական կայունության ապահովումը, ռիսկերի գնահատումը, շահութաբերության բարձրացումը, ներդրումների էֆեկտիվության գնահատումը, ֆինանսական ցիկլերի կառավարումը, ապա այս Master Class-ից հետո ամբողջությամբ կկարողանաք ինքնուրույն կատարել ֆինանսական ցուցանիշների վերլուծություն և մշակել կազմակերպության ֆինանսական կառավարման ռազմավարությունը:

Master Class-ի շրջանակներում, միջազգային ստանդարտներին համապատասխան, կսովորեք կազմակերպության ֆինանսական կառավարման մեթոդներ՝ շահութաբերության, ֆինանսական կայունության, եկամուտների և ծախսերի վրա առանձին գործոնների ազդեցության վերլուծության, ռիսկերը կանխատեսելի դարձնելու միջոցով, ինչպես նաև վերլուծության պրակտիկ կիրառելիության, ֆինանսական հաշվետվությունների միջոցով տարբեր գործակիցների հաշվարկման հմտություններ, դրանց հիման վրա կազմակերպության կարճաժամկետ և հեռանկարային ֆինանսական ռազմավարության մշակման կարողություններ: Բոլոր թեմաների շրջանակներում ներկայացվում և քննարկվում է կազմակերպության տվյալներով գործնական օրինակ, որի միջոցով մասնակիցները հնարավորություն են ստանում գործնականում ավելի հմտանալ ֆինանսական հոսքերի վերլուծության և կառավարման մեջ:

Դասընթացը բաղկացած է 3 մասից՝

1. Ֆինանսական ցուցանիշների վերլուծություն,
2. Ֆինանսական ընթացիկ կառավարման գնահատում,
3. Ֆինանսական ռազմավարության և պլանավորման մոդելների մշակում

       1. ՖԻՆԱՆՍԱԿԱՆ ՑՈՒՑԱՆԻՇՆԵՐԻ ՎԵՐԼՈՒԾՈՒԹՅՈՒՆ

Ծրագրում ներառված հիմնական հարցեր`

• Կազմակերպության ֆինանսական վերլուծության ցուցանիշներ, գործոնային վերլուծություն,
• Կազմակերպության ֆինանսական հաշվետվություններ,
• Վճարունակության և իրացվելիության վերլուծություն,
• Կազմակերպության ֆինանսական կայունության գնահատում,
• Կազմակերպության հիմնական միջոցների օգտագործման արդյունավետության գնահատում,
• Նյութական պաշարների օգտագործման արդյունավետության գնահատում,
• Աշխատանքի և աշխատավարձի գործոնային վերլուծություն,
• Արտադրանքի արտադրության (ծառայության, աշխատանքի) ծավալի վրա ազդող գործոնների վերլուծություն,
• Դեբիտորական պարտքերի վերլուծություն և կառավարում,
• Կրեդիտորական պարտքերի վերլուծություն և կառավարում,
• Ֆինանսական պարտավորությունների վերլուծություն,
• Կազմակերպության վարկունակության գնահատում,
• Դրամական հոսքերի վերլուծություն և կառավարում,
• Ֆինանսական արդյունքների վերլուծություն,
• Կազմակերպության եկամուտների և ծախսերի վերլուծություն, էֆեկտիվության գնահատում,
• Շահույթի և շահութաբերության գործոնային վերլուծություն (ROA, ROE, Դյուպոնի մոդել),
• Իրացման շահութաբերության և սեփական կապիտալի շահութաբերության վերլուծություն,
• Գործարար ակտիվության գնահատում՝ ֆինանսական ցիկլերի կառավարում:

2. ՖԻՆԱՆՍԱԿԱՆ ՄԻՋՈՑՆԵՐԻ ԸՆԹԱՑԻԿ ԿԱՌԱՎԱՐՄԱՆ ԳՆԱՀԱՏՈՒՄ 

Ծրագրում ներառված հիմնական հարցեր՝

• Անվնասաբերության (ծախսածածկման) կետի, գործառնական լծակի հաշվարկ և գնահատում,
• Ֆինանսական լծակի հաշվարկ և գնահատում,
• Ֆինանսական ռեսուրսների ընթացիկ պահանջի կառավարում,
• Կապիտալի ընթացիկ օգտագործման կառավարում,
• Կազմակերպության ֆինանսական պոտենցիալի գնահատում,
• Կազմակերպության բաժնետիրական կապիտալի կառավարում,
• ABC+XYZ վերլուծություն՝ ապրանքային տեսականու վաճառքի ծավալների, հասույթի և շահույթի կառավարման համար:

       3. ՖԻՆԱՆՍԱԿԱՆ ՌԱԶՄԱՎԱՐՈՒԹՅԱՆ ԵՎ ՊԼԱՆԱՎՈՐՄԱՆ ՄՈԴԵԼՆԵՐԻ ՄՇԱԿՈՒՄ

Ծրագրում ներառված հիմնական հարցեր՝

• Դիսկոնտավորման գործակցի հաշվարկ,
• Ներդրումների արդյունավետության գնահատում, հետգնման ժամկետ (NPV, PI, IRR, PP),
• Կազմակերպության կապիտալի միջին կշռված արժեքի գնահատում (WACC),
• Կազմակերպության տնտեսական գործունեության արդյունավետության և ինտենսիվացման համալիր գնահատում,
• Սնանկացման ռիսկերի գնահատման մոդել (Ալթմանի, Ֆուլմերի, Սպրինգեյտի, Լիսի, Տաֆֆլերի մոդելիների համալիր վերլուծության հիման վրա),
• Ֆինանսական ռազմավարության մատրիցա,
• Կազմակերպության ֆինանսական ցուցանիշների հիման վրա տնտեսական ռիսկի գնահատում:

Master Class-ի շրջանակներում Սողոմոն Միրզոյանի կողմից մշակված մեթոդով կատարվում են տարբեր գործակիցների միջոցով կազմակերպության ավելի քան 150 ֆինանսական ցուցանիշների վերլուծություններ և ֆինանսական արդյունքային ցուցանիշների գնահատում, ինչն օգնում է բացահայտելու ֆիրմայում առկա խնդիրները, հետագա գործողությունների հետ կապված ֆինանսական ռիսկերը, կամ առավելությունները: Ներկայացվում են MS Excel-ում տարբեր գործիքների կիրառմամբ ամփոփ ցուցանիշների և գործակիցների ստացման հմտություններ: Ի վերջո, վերլուծություններն ամփոփվում են արդյունավետ ֆինանսական ընթացիկ մենեջմենթով՝ կառավարչական որոշումներ կայացնելիս հաշվի առնելով ստացված ֆինանսական գնահատականները, ինչպես նաև ռազմավարական պլանավորմամբ և կանխատեսմամբ: Ընթացքը բավական ինտերակտիվ է՝ տեղում քննարկվում են մասնակիցների կողմից բարձրացված բոլոր հարցադրումներն ու իրավիճակները:

Master Class-ը կարևոր է՝

• Կազմակերպության սեփականատերերի և ղեկավարների համար՝ որոշումներ կայացնելիս ֆինանսական վերլուծության արդյունքների միջոցով ռիսկերը նվազեցնելու և ավելի մեծ արդյունք ապահովելու նպատակով, 
• Կազմակերպության ֆինանսական պլանավորման, հաշվապահության, աուդիտի, ֆինանսական վերահսկողության ոլորտում աշխատող մասնագետների համար՝ մասնագիտական գիտելիքներն ավելացնելու և ֆինանսական վերլուծության հմտություններն աշխատանքում կիրառելու նպատակով,
• Նոր մասնագիտական հմտություններ ստանալ ցանկացողների համար՝ ֆինանսական ոլորտում վերլուծելու ունակությունները համալրելու և այդ ոլորտում աշխատելու նպատակով:



Master Class-ն ունի այլ առավելություններ ևս՝

Մասնակիցները մեկ տարվա ընթացքում ծրագրի շրջանակներում կարող են ստանալ անվճար խորհրդատվություն, ինչպես նաև հաջորդ փուլերում լրիվ անվճար մասնակցել նույն դասընթացին: Ընթացքում կազմակերպվում է սուրճով ընդմիջում:

Դասընթացավար՝ Սողոմոն Միրզոյանը, Հայաստանի Ֆինանսիստների Ասոցիացիայի նախագահ, ով ունի 10 տարվա ֆինանսական ղեկավարի պրակտիկ փորձ, ֆինանսական վերլուծաբան-փորձագետ է, տնտեսագիտության թեկնածու, 17 տարվա դասախոսական փորձ (ՀՊՏՀ Կառավարչական հաշվառման և աուդիտի ամբիոնի դասախոս):

Դասընթացի տևողությունը՝ 2 ամիս, շաբաթական 3 օր, 2-ական ժամով

Դասընթացի ամսական վճարը՝ 90.000 ՀՀ դրամ

Բանկ՝ Ակբա Բանկ ԲԲԸ

Հ/Հ՝ 220290125891000

Ստացող՝  ՄԻՌԱՍՈ ՍՊԸ

Ավարտին տրվում է մասնակցության Հավաստագիր:

Հասցե՝ ք. Երևան, Ֆուչիկի փ. 1/1 (Թումո կենտրոնի մոտակայքում)

Գրանցվելու կամ հարցերի համար կարող եք զանգահարել ☎️055-377-317 

հեռախոսահամարին կամ գրանցվել հենց կայքում՝ սեղմելով ԳՐԱՆՑՎԵԼ ՀԻՄԱ: