Արհեստական բանականության գործիքներ ֆինանսիստների համար

ԱԲ-ն ֆինանսիստների և հաշվապահների համար․

Դասընթացի ընթացքում կսովորեք՝

Ինչ է Արհեստական բանականությունը (AI), ինչպես է այն մտածում և ինչ հեղափոխական հնարավորություններ է տալիս ժամանակակից մասնագետին,

Ինչպես ճիշտ «շփվել» ԱԲ-ի հետ՝ կազմելով գրագետ և արդյունավետ հարցումներ (Prompt Engineering),

Ինչպես կիրառել ԱԲ-ն ֆինանսիստի և հաշվապահի առօրյա աշխատանքում՝ խնայելով ժամանակը մինչև 70%,

Ինչպես աշխատել ChatGPT-ի, Gemini-ի, Claude-ի, Make.com-ի, Rows.com-ի և Gamma-ի հետ,

Ինչպես ձայնային հրամաններով (Voice) կատարել փոփոխություններ, հաշվարկներ և մուտքագրումներ Excel/Google Sheets աղյուսակներում,

Ինչպես առանց ծրագրավորման գիտելիքների ստեղծել սեփական ֆինանսական հավելվածներ (Apps), հաշվիչներ և ինտերակտիվ Dashboard-ներ,

Ինչպես ստեղծել «Հաշվետար ԱԲ գործակալ» (AI Agent), որն ինքնուրույն կմշակի առաջնային փաստաթղթերը, հաշիվ-ապրանքագրերը և կանի հաշվառում,

Ինչպես ավտոմատացնել կրկնվող ֆինանսական գործընթացները և վայրկյանների ընթացքում ստանալ պրոֆեսիոնալ ներկայացումներ։

Դասընթացի թեմաները և գործիքների հերթականությունը

1. Ներածություն ԱԲ աշխարհ և Prompt Engineering-ի հիմունքներ
Հասկանում ենք, թե ինչ է Արհեստական բանականությունը, ինչպես են աշխատում լեզվական մոդելները և ինչ հնարավորություններ ու սահմանափակումներ ունեն դրանք ֆինանսական ոլորտում։ Սովորում ենք ԱԲ-ի հետ շփվելու ոսկե կանոնները (Prompt Engineering)՝ ինչպես տալ հստակ հրահանգներ, կոնտեքստ և դերեր, որպեսզի ստանանք ճշգրիտ, ստուգված և պրակտիկ արդյունքներ։

2. ChatGPT և Gemini — Ֆինանսական ԱԲ օգնականներ
Կիրառում ենք Prompt Engineering-ի գիտելիքները գործնականում․ վերլուծում ենք ֆինանսական փաստաթղթեր, հաշվետվություններ ու պայմանագրեր, կատարում բարդ հաշվարկներ, բյուջետավորում (budgeting), կանխատեսումներ (forecasting) և scenario analysis։

3. Excel / Sheets + Voice AI — Աղյուսակների կառավարում ձայնային հրամաններով
Յուրացնում ենք, թե ինչպես ձայնային հրամանների միջոցով արագ մուտքագրել տվյալներ, փոփոխել Excel և Google Sheets աղյուսակները, գեներացնել բարդ բանաձևեր և կառուցել ամփոփ հաշվետվություններ՝ առանց ձեռքով երկարատև մուտքագրումների։

4. Claude — Ֆինանսական հավելվածների (Apps) և ինտերակտիվ վահանակների ստեղծում
Սովորում ենք աշխատել մեծածավալ ֆինանսական տվյալների հետ և առանց ծրագրավորման (No-Code) ստեղծել կիրառական ֆինանսական մինի-հավելվածներ՝ վարկային ու ներդրումային հաշվիչներ, Cash Flow սիմուլյատորներ և ինտերակտիվ ֆինանսական Dashboard-ներ։

5. Rows.com — Նոր սերնդի ԱԲ աղյուսակներ և ֆինանսական վերլուծություն
Ուսումնասիրում ենք հատուկ ֆինանսական և տվյալների վերլուծության համար ստեղծված AI հարթակները․ ավտոմատ տվյալների քաղում, շուկայի և ֆինանսական ցուցանիշների հետազոտություն, KPI-ների վերլուծություն և խելացի աղյուսակների կառուցում։

6. ԱԲ Գործակալների ստեղծում — «Հաշվետար AI Agent»
Ստեղծում ենք մասնագիտացված ԱԲ գործակալներ (Custom GPTs / Gems / AI Agents), այդ թվում՝ «Հաշվետար Agent», որը կարող է կարդալ և դասակարգել հաշիվ-ապրանքագրերն ու կտրոնները, ստուգել տվյալների համապատասխանությունը, հայտնաբերել բյուջեի շեղումները և պատրաստել ամփոփագրեր։

7. Make.com — Ֆինանսական գործընթացների ամբողջական ավտոմատացում
Կապում ենք տարբեր ծրագրեր (էլ․ փոստ, Excel/Sheets, AI գործակալներ, ծանուցումների համակարգեր) մեկ միասնական շղթայի մեջ․ ավտոմատացնում ենք հաշվետվությունների հավաքագրումը, ֆինանսական փաստաթղթերի մշակումը և ամենօրյա կրկնվող գործողությունները։

8. Gamma — Ֆինանսական հաշվետվությունների և ներկայացումների վիզուալացում
Սովորում ենք չոր թվերն ու ֆինանսական ամփոփագրերը րոպեների ընթացքում վերածել տնօրենների խորհրդի կամ գործընկերների համար նախատեսված պրոֆեսիոնալ ներկայացումների (Presentations), վիզուալ հաշվետվությունների և կառուցվածքային փաստաթղթերի։

Դասընթացավար՝ Շավարշ Կարապետյան
Արհեստական բանականության փորձագետ և բիզնես քոուչ, ով ունի կազմակերպությունների զարգացման ավելի քան 10 տարվա փորձ: Որպես թրեյներ՝ նա վերապատրաստել է ավելի քան 500 մասնագետների և ղեկավարների՝ մշակելով բիզնեսում արհեստական բանականության ներդրման պրակտիկ ծրագրեր:

Նրա նախաձեռնությամբ հիմնադրվել են մի շարք նորարարական ընկերություններ (Karapp, Corporate Library, Workforce Incubator), որոնց առանցքում թվային լուծումներն ու AI տեխնոլոգիաներն են: Շավարշը նաև մի քանի ընկերությունների համահիմնադիր է և ունի հարուստ փորձ հրատարակչական ոլորտում՝ նախաձեռնելով ավելի քան 300 միջազգային բիզնես բեսթսելերների հրատարակումը։ Իր պրակտիկ փորձառության միջոցով նա օգնում է ընկերություններին և մասնագետներին ավտոմատացնել առօրյա ռուտինան և աշխատել անհամեմատ ավելի արագ ու արդյունավետ:

Դասընթացավարի մասին ավելին իմանալու համար անցեք այս հղումով՝  Shavarshkarapetyan.com

Արդյունքը
Դասընթացի ավարտին մասնակիցները ոչ միայն խորությամբ կհասկանան ԱԲ-ի տրամաբանությունն ու գրագետ Prompt-եր կազմելու արվեստը, այլև կունենան իրենց սեփական Հաշվետար ԱԲ գործակալը, կկարողանան ձայնով կառավարել ֆինանսական աղյուսակները, ստեղծել կիրառական ֆինանսական մինի-հավելվածներ և ավտոմատացնել հաշվետվությունների պատրաստման ողջ շղթան։

Դասընթացի տևողությունը՝ 9 դաս, 2 ժամ տևողությամբ

Դասընթացի վճարը՝ 75․000 ՀՀ դրամ

Ավարտին տրվում է մասնակցության Հավաստագիր

Վճարման տվյալներ՝

Բանկ՝ Ակբա Բանկ ԲԲԸ

Հ/Հ՝ 220290125891000

Ստացող՝ ՄԻՌԱՍՈ ՍՊԸ

Հատուկ նշում. Ծրագիրը երաշխավորված է ԿԳՄՍ նախարարության կողմից որպես լրացուցիչ կրթության մոդուլային ծրագիր, ինչը հնարավորություն է տալիս հաջորդ տարի պետությունից ստանալ ուսման վճարի վերադարձ (եկամտային հարկից):

Հասցե՝ ք. Երևան, Ֆուչիկի 1/1 (Թումո կենտրոնի մոտակայքում)

Գրանցվելու կամ հարցերի համար կարող եք զանգահարել ☎️ 055-377-317  հեռախոսահամարին կամ գրանցվել հենց կայքում՝ սեղմելով ԳՐԱՆՑՎԵԼ ՀԻՄԱ: