Արհեստական բանականություն և կիրառական պրոմպտինգ

Դասընթացը նախատեսված է բոլոր նրանց համար, ովքեր ցանկանում են զրոյից տիրապետել արհեստական բանականության (AI) գործիքներին և դրանք հեշտությամբ կիրառել առօրյայում, աշխատանքում կամ սեփական նախագծերում։

Պարզ և մատչելի լեզվով կսովորեք, թե ինչպես ճիշտ հարցումներ (պրոմպտներ) գրել՝ AI-ից լավագույն արդյունքը ստանալու համար: Դուք կկարողանաք ստեղծել նկարներ, դիզայններ, վիդեոներ և ձայնագրություններ՝ պահպանելով վիզուալ միասնական ոճ։

Առանձնահատուկ ուշադրություն կդարձնենք առօրյա գործերի ավտոմատացմանն ու անձնական AI օգնականների (ագենտների) ստեղծմանը, որոնք կհեշտացնեն ձեր կյանքն ու կխնայեն ժամանակը: Կխոսենք նաև հեղինակային իրավունքի և մարքեթինգում AI-ի կիրառման մասին, իսկ ավարտին ձեռք բերված գիտելիքները կամրապնդենք գործնական նախագծով:

Դասընթացի թեմաները՝

1. Արհեստական բանականության հիմունքները՝ պարզ լեզվով

2. Prompt Engineering․ ինչպես ճիշտ խոսել AI-ի հետ

3. Պատկերների և գրաֆիկական դիզայնի ստեղծում

4. Վիդեոների և անիմացիաների գեներացիա

5. Աուդիո նյութերի ստեղծում և ձայնային սինթեզ

6. Վիզուալ կայունություն (Visual Consistency)․ ինչպես պահպանել նույն ոճն ու կերպարները

7. Առօրյա աշխատանքների ավտոմատացում և անձնական AI ագենտների ստեղծում

8. Ի՞նչ չի կարելի անել AI-ով. էթիկա, անվտանգություն և հեղինակային իրավունք

9. AI-ի կիրառումը մարքեթինգում, բրենդինգում և բիզնեսում

10. Գործնական աշխատանք. ձեր անհատական AI նախագծի ստեղծումը

Դասընթացավար՝ Շավարշ Կարապետյան

Արհեստական բանականության փորձագետ և քոուչ, ով ունի կազմակերպությունների զարգացման ավելի քան 10 տարվա փորձ: Որպես թրեյներ՝ նա վերապատրաստել է ավելի քան 500 մասնագետների՝ մշակելով բիզնեսում արհեստական բանականության կիրառման հատուկ ծրագրեր:

Նրա նախաձեռնությամբ հիմնադրվել են մի շարք նորարարական ընկերություններ (Karapp, Corporate Library, Workforce Incubator), որոնց առանցքում թվային լուծումներն ու AI տեխնոլոգիաներն են: Շավարշը նաև մի քանի ընկերությունների համահիմնադիր է և ունի հարուստ փորձ հրատարակչական ոլորտում՝ աշխատելով բիզնես բեսթսելերների հետ։ Իր փորձառության միջոցով նա օգնում է ընկերություններին և անհատներին աշխատել ավելի արագ և արդյունավետ:

Դասընթացավարի մասին ավելին իմանալու համար անցեք այս հղումով՝  Shavarshkarapetyan.com